హైదరాబాద్: హైదరాబాద్ నుంచి విదేశాలకు వెళ్తున్నారా? అయితే మీరో ముఖ్యమైన విషయం తెలుసుకోవాలి. నవంబర్ 28 నుండి అన్ని అంతర్జాతీయ విమానాల రాకపోకల్లో శంషాబాద్ ఎయిర్ పోర్టు మార్పులు చేసింది. ఇకపై అంతర్జాతీయ విమానాలు రాజీవ్ గాంధీ అంతర్జాతీయ విమానాశ్రయం(RGIA) ప్రధాన టెర్మినల్‌ నుంచి బయలుదేరుతాయని ఎయిర్ పోర్ట్ వర్గాలు వెల్లడించాయి. ఇప్పటివరకు అంతర్జాతీయ విమానాలు ఇంటర్నేషనల్ డిపార్చర్ టెర్మినల్ (IIDT) నుండి బయలుదేరేవి. ఇక నుంచి అన్ని అంతర్జాతీయ సర్వీసులు మెయిన్ టెర్నినల్ నుంచి బయలుదేరుతాయని ఆర్జీఐఏ తెలిపింది.