కావలసిన పదార్థాలు: గోధుమ పిండి- 2 కప్పులు, నెయ్యి- 2 టీ స్పూన్లు, పాలు- 4 కప్పులు, యాలకుల పొడి- 1/4 టీ స్పూను, పంచదార- 5 టేబుల్‌ స్పూన్లు, బాదం పప్పు తరుగు- 1 టేబుల్‌ స్పూను, ఉప్పు- రుచికి సరిపడా, నూనె- వేగించడానికి సరిపడా 

తయారీ విధానం:  ఒక గిన్నెలో గోధుమ పిండి, ఉప్పు, నెయ్యి, సరిపడా నీళ్ళు పోసి పూరీ పిండి కలుపుకోవాలి. ఆ పిండి ముద్దపై తడిగుడ్డ కప్పి అరగంట నానబెట్టాలి. ఈ లోగా ఒక గిన్నెలో పాలుపోసి సగం అయ్యే వరకూ మరిగించి, పంచదార, యాలుక పొడి వేసి పంచదార కరిగాక దించేయాలి. ఆ తరువాత పూరీ పిండితో చిన్న చిన్న పూరీలు చేసుకుని నూనెలో వేగించి, పాల మిశ్రమంలో వేసి బాదం తరుగు చల్లాలి.