మస్కట్ : మాదక ద్రవ్యాల గుట్టును రాయల్ ఒమన్ పోలీసులు (ROP) రట్టు చేశారు. పెద్ద మొత్తంలో డ్రగ్స్‌ను స్వాధీనం చేసుకోవడంతోపాటు 23 మంది చొరబాటుదారులను అరెస్టు చేశారు. నార్త్ బతినా గవర్నరేట్‌లోని కోస్ట్ గార్డ్ పోలీసులు సుల్తానేట్‌లోకి అక్రమంగా ప్రవేశించిన 20 మంది చొరబాటుదారులను అరెస్టు చేసినట్లు పోలీసులు తెలిపారు. అలాగే మరో సంఘటనలో సుల్తానేట్‌లోకి అక్రమంగా ప్రవేశించడానికి ప్రయత్నించినందుకు ముగ్గురు చొరబాటుదారులను అరెస్టు చేసినట్లు పోలీసులు వెల్లడించారు. వారి వద్ద నుంచి పెద్ద ఎత్తున డ్రగ్స్‌ స్వాధీనం చేసుకున్నట్లు పేర్కొంది. నిందితులపై చట్టపరమైన చర్యలు తీసుకున్నట్లు రాయల్ ఒమన్ పోలీసులు (ROP) వెల్లడించింది.