మెగాస్టార్ చిరంజీవి సెకండ్ ఇన్నింగ్స్‌లో ఎక్కువగా రీమేక్ సినిమాలే చేస్తూ వచ్చారు. అలాంటిది మెగాస్టార్ నటిస్తున్న స్ట్రెయిట్ మూవీ బాబీ దర్శకత్వంలో తెరకెక్కుతోన్న ‘వాల్తేర్ వీరయ్య’. చిరంజీవికి వీరాభిమాని అయిన బాబీ, కంప్లీట్ మాస్ లుక్స్‌లోకి మార్చేశాడు చిరంజీవిని ఈ సినిమా కోసం.
సంక్రాంతి సందర్భంగా ప్రేక్షకుల ముందుకు రానున్న ఈ సినిమా ప్రమోషన్లు ఆల్రెడీ స్టార్ట్ చేసేసిన సంగతి తెలిసిందే. ఇటీవల రిలీజ్ చేసిన మాసీ టీజర్ అభిమానుల్లో పూనకాలు తెప్పించేసింది.
ఇక, ఇప్పుడు బాస్ సాంగ్ పార్టీ సాంగ్.. అంటూ స్పెషల్ సాంగ్ రిలీజ్ చేస్తున్నారు. నవంబర్ 23 సాయంత్రం 4 గంటల 5 నిమిషాలకు ఈ సాంగ్ రిలీజ్ కానుంది. ఈలోపే సాంగ్ ప్రోమో రిలీజ్ చేసి ఫ్యాన్స్‌లో క్యూరియాసిటీ పెంచేసింది చిత్ర యూనిట్.
లుంగీ కట్టులో చిరంజీవి మాస్ స్టైల్ సిగ్నేచర్ స్టెప్పులు ఇరగదీసేయనున్నారనీ ఈ ప్రోమో చూస్తే అర్ధమైపోతోంది. బాలీవుడ్ భామ ఊర్వశి రౌతెలా ఈ స్పెసల్ సాంగ్ కోసం చిరంజీవితో స్టెప్పులేస్తుండగా, దేవిశ్రీ ప్రసాద్ అందించిన మాస్ మసాలా లిరిక్స్ ఫ్యాన్స్‌ని ఊపేయనున్నాయి. ఎంత ఊపినా, ఈ ఊపుడు ఇంకొన్ని గంటలు దాచుకోవల్సిందే.