యూఏఈ: 48 ఏళ్ల ఓ భారతీయ మెకానికల్ ఇంజినీర్ దలీప్.. 20 మిలియన్ దిర్హామ్‌ల మహ్జూజ్ జాక్‌పాట్ ని గెలుచుకున్నాడు. కువైట్‌లోని స్టీల్ ఫ్యాక్టరీలో పని చేసే దలీప్.. ఇంత పెద్దమొత్తంలో జాక్ పాట్ వస్తుందని కలలో కూడా ఊహించలేదన్నారు. 12, 24, 31, 39, 49 నంబర్లతో గేమ్‌లో చేరిన తనకు విజయం వరించిందని సంతోషం వ్యక్తం చేశారు. 48 ఏళ్ల దలీప్ ఇప్పుడు తన రిటైర్మెంట్‌ను ప్లాన్ చేస్తున్నట్లు తెలిపారు. వచ్చే డబ్బుతో భారతదేశంలోని హిమాచల్ ప్రదేశ్‌లోని తన స్వస్థలంలో ఒక భవనాన్ని నిర్మించబోతున్నట్లు వెల్లడించారు. అన్నింటికంటే ముందు ప్రైజ్ మనీతో సరికొత్త ఐఫోన్‌ను కొనుగోలు చేయనున్నట్లు తెలిపారు. అలాగే తన కుటుంబంతో కలిసి ప్రపంచ టూర్ కి వెళతానన్నారు.