రియాద్: మక్కా ప్రాంతంలో నెలకొన్న వాతావరణ పరిస్థితుల కారణంగా జెడ్డా, రబీగ్, ఖులైస్‌లోని ప్రభుత్వ, ప్రైవేట్, అంతర్జాతీయ పాఠశాలలు గురువారం హాలిడే ప్రకటించారు. నేషనల్ సెంటర్ ఆఫ్ మెటీరియాలజీ నుండి వచ్చిన నివేదికల ఆధారంగా విద్యార్థుల భద్రతను దృష్టిలో పెట్టుకొని ఈ నిర్ణయం తీసుకున్నట్లు సౌదీ సివిల్ డిఫెన్స్ వెల్లడించింది. కింగ్ అబ్దుల్ అజీజ్ యూనివర్శిటీ, జెడ్డా విశ్వవిద్యాలయం కూడా అదే చర్యలు తీసుకున్నాయి. తేలికపాటి నుండి భారీ వర్షం, బలమైన గాలులు వీచే అవకాశం ఉందని సౌదీ సివిల్ డిఫెన్స్ తెలిపింది. ప్రతి ఒక్కరూ జాగ్రత్తగా ఉండాలని, నిలిచిపోయిన వర్షపు నీరు, లోయల నుండి దూరంగా ఉండాలని పిలుపునిచ్చింది.