ఇస్లామిక్‌ స్టేట్‌ (ఐసిస్‌) ఉగ్రవాద సంస్థకు చెందిన అగ్రనేత ఒకరు హతమయ్యారు. ఐసిస్‌లోకి భారత్‌లో నియామకాలు చేపట్టే బాధ్యతలను నిర్వహిస్తున్న ఈ ఉగ్రవాది సిరియాలో అమెరికా డ్రోన్‌ నిర్వహించిన దాడిలో హతమైనట్లు ఒక ఆంగ్ల పత్రిక వార్త ప్రచురించింది. షఫి, అలియాస్‌ యూసఫ్‌ అనే ఈ ఉగ్రవాది ఇస్లామిక్‌ స్టేట్‌ ఉగ్రవాద సంస్థలోకి భారతీయులను నియమించేందుకు ఇన్‌ఛార్జిగా వ్యవహరిస్తున్నాడు. ఐసిస్‌ అధినేత అబు బకర్‌ అల్‌ బాగ్దాదీకి అత్యంత సన్నిహితుడైన షఫి భారత్‌లో ఐసిస్‌ పట్టు కోసం కృషి చేస్తున్నాడు.