దుబాయ్: ఫిఫా వరల్డ్ కప్ కోసం సవరించిన మెట్రో సమయాలను దుబాయ్‌లోని రోడ్స్ అండ్ ట్రాన్స్‌పోర్ట్ అథారిటీ ప్రకటించింది. సమయాల్లో మార్పు డిసెంబర్ 9 నుండి అమలులోకి వచ్చిందన్నారు. ఇది ఖతార్‌లో ఫిఫా ప్రపంచకప్ ఈవెంట్ ముగిసేవరకు పొడిగింపు వేళలు అమల్లో ఉంటాయి. చివరి మెట్రో 1.5 గంటల సర్వీస్ పొడిగింపుతో, చివరి గేమ్ ముగిసిన 45 నిమిషాల తర్వాత బయలుదేరుతుందని తెలిపింది. 

ఖతార్‌లో జరిగిన ఫిఫా ప్రపంచ కప్ సందర్భంగా గంటకు 1,200 మంది ప్రయాణికుల కోసం దాదాపు 1,400 రోజువారీ మెట్రో ట్రిప్పులు, 700 అదనపు టాక్సీలు, 60 ప్రత్యేక పబ్లిక్ బస్సులు, మూడు సముద్ర రవాణా మార్గాలను ప్రత్యేకంగా ఏర్పాటు చేసినట్లు అథారిటీ వెల్లడించింది.

పొడిగించిన సమయాల జాబితా

 డిసెంబర్ 9,  డిసెంబర్ 10 ఉదయం 5 నుండి 2.30 వరకు

డిసెంబర్ 13, డిసెంబర్ 14 ఉదయం 5 నుండి 2.30 వరకు 

డిసెంబర్ 17 ఉదయం 5 నుండి ఉదయం 1 వరకు 

డిసెంబర్ 18 ఉదయం 8 నుండి ఉదయం 1 వరకు