విశ్వక్ సేన్ హీరోగా డిఫరెంట్ థ్రిల్లింగ్ కాన్సెప్ట్‌తో రూపొందిన ‘హిట్’ సినిమా అనూహ్యంగా విజయం అందుకుంది. సీరియస్ టోన్‌లో సాగుతూనే హీరోకి సెపరేట్ ఆటిట్యూడ్ అద్దాడు డైరెక్టర్.
ఆ ఆటిట్యూడే ‘హిట్’ని సక్సెస్ బాటలో నిలిపిందని చెప్పొచ్చు. ఫస్ట్ కేస్ ఇచ్చిన ఎంకేజ్‌మెంట్‌తో ‘హిట్ ది సెకండ్ కేస్’ అంటూ ఇంకో క్రైమ్ స్టోరీని తెరపైకి తీసుకొచ్చారు రీసెంట్‌గా. 
అడవి శేష్ ఈ సిరీస్‌కి తన ఆటిట్యూడ్ చూపించాడు. ఈ ఆటిట్యూడ్ స్టైలింగ్‌నీ ఆడియన్స్ ఆదరించారు. సినిమాకి పాజిటివ్ టాక్ వచ్చింది. దాంతో తమదైన శైలిలో సినిమాని ప్రమోట్ చేశారు.
నాని నిర్మాణం, శైలేష్ కొలను దర్శకత్వం, అడవి శేష్ స్టైలింగ్.. అన్నీ వెరసి ఈ సినిమాతో రిలీజైన మరే సినిమా బరిలో నిలవలేకపోవడంతో ‘హిట్ 2’ కి కాలం బాగా కలిసొచ్చింది.
జస్ట్ ఏదో క్రైమ్ థ్రిల్లర్ అన్నట్లు లైట్ తీసుకోకుండా, కమర్షియల్ మూవీస్‌ అంటే ఇష్టపడేవాళ్లు సైతం ఈ సినిమాకి ఎట్రాక్ట్ అవుతున్నారు. దాంతో, మొదటి వారం ముగిసినా, రెండో వారం కూడా హిట్ 2 బాగానే జోరు ప్రదర్శించేలా కనిపిస్తోంది. అన్నట్లు అడవి శేష్‌కి ఓవర్సీస్‌లోనూ కాస్త ఫాలోయింగ్ ఎక్కువే. దాంతో, అక్కడ కూడా ఈ సినిమా బాగానే నిలదొక్కుకుంది. ఈ లోపు చెప్పుకోదగ్గ సినిమా ఏదీ లేకపోవడంతో, ‘హిట్ 2’ మరో వారం రోజులు ధియేటర్లలో కంటిన్యూ అయ్యే అవకాశాలు లేకపోలేదు.