యూఏఈ: యూకే ఆధారిత మార్కెట్ రీసెర్చ్ కంపెనీ యూరోమానిటర్ విడుదల చేసిన కొత్త నివేదిక ప్రకారం.. 2022లో ప్రపంచంలోని అత్యుత్తమ 100 నగరాల్లో మొదటి 10 నగరాల్లో ఎమిరేట్ ఆఫ్ దుబాయ్ రెండవ స్థానంలో నిలిచింది. గత సంవత్సరంతో పోల్చితే దాదాపు రెట్టింపుతో ఈ సంవత్సరం 12 మిలియన్లకు పైగా అంతర్జాతీయ పర్యాటకులు దుబాయ్ ను సందర్శించారు. ప్రతి సంవత్సరం పర్యాటక విధానాలు, పనితీరు, సుస్థిరత, మౌలిక సదుపాయాలు, ఆరోగ్యం, భద్రత, ఆర్థిక పనితీరుతో సహా ఆరు రేటింగ్‌ల ద్వారా ప్రపంచవ్యాప్తంగా 100 నగరాల జాబితాను యూరోమానిటర్ విడుదల చేస్తుంది. తాజా నివేదికలో పారిస్ వరుసగా రెండవ సంవత్సరం "టాప్ 100 సిటీస్ ఇండెక్స్ 2022"లోని టాప్ 10 నగరాల్లో మొదటి స్థానంలో నిలిచింది. దుబాయ్ తర్వాతి స్థానాలలో ఆమ్‌స్టర్‌డామ్, మాడ్రిడ్, రోమ్, లండన్, మ్యూనిచ్, బెర్లిన్, బార్సిలోనా వంటి యూరోపియన్ నగరాలు నిలిచాయి.