బహ్రెయిన్: రాస్ హయాన్‌లోని హెరిటేజ్ విలేజ్‌లో నేషనల్ డే ఫెస్టివల్ వ్యవధిని డిసెంబర్ 24 వరకు పొడిగిస్తున్నట్లు సమాచార మంత్రిత్వ శాఖ ప్రకటించింది. అద్భుతమైన జాతీయ పర్వదినాల సందర్భంగా మంత్రిత్వ శాఖ నిర్వహించిన ఉత్సవానికి పెద్ద ఎత్తున ప్రజల నుంచి మద్దతు వస్తున్న నేపథ్యంలో ఈ నిర్ణయం తీసుకున్నట్లు పేర్కొంది.  ఈ ఫెస్టివల్ లో భాగంగా  అనేక కళాత్మక, వినోద కార్యకలాపాలు, ఈవెంట్‌లు నిర్వహిస్తున్నారు. సాంప్రదాయ మార్కెట్‌లు సందర్శకులను విపరీతంగా ఆకట్టుకుంటున్నాయి.