బహ్రెయిన్:  బహ్రెయిన్ అంతర్జాతీయ విమానాశ్రయంలో కడుపులో 86 హెరాయిన్ నింపిన క్యాప్సూల్స్‌తో అరెస్టయిన ఒక అసియన్ వ్యక్తికి  హై క్రిమినల్ కోర్ట్ జీవిత ఖైదును విధించింది. అలాగే 10,000 బిడిలు జరిమానా చెల్లించాలని ఆదేశించింది. ఎయిర్‌పోర్ట్‌లో చెకిన్ ప్రక్రియలో సదరు వ్యక్తి అనుమానస్పదంగా కన్పించాడని కస్టమ్స్ అధికారులు కోర్టుకు తెలిపారు. అతని ప్రవర్తన వింతగా ఉన్నది. తాము నిర్వహించిన ఫిజికల్ పరీక్షలో ఏలాంటా అనుమానిత వస్తువులు దొరకలేదు. దాంతో ఎక్స్-రే పరీక్షను నిర్వహించగా.. అతని కడుపులో 86 క్యాప్సూల్స్ ఉన్నట్లు తేలింది. అతను బహ్రెయిన్‌కు వచ్చే ముందు వాటిని మింగినట్లు నిందితుడు ఒప్పుకున్నాడని అధికారులు కోర్టుకు తెలిపారు.