న్యూఢిల్లీ: భారత ఆరోగ్య, కుటుంబ సంక్షేమ మంత్రిత్వ శాఖ జారీ చేసిన కొత్త మార్గదర్శకాల ప్రకారం.. పౌర విమానయాన మంత్రిత్వ శాఖ ఢిల్లీ విమానాశ్రయంలో విదేశాల నుంచి వచ్చిన ప్రయాణికులకు ర్యాండమ్ పోస్ట్-అరైవల్ పరీక్షలను ప్రారంభించింది. ఈ మేరకు జెనెస్ట్రింగ్స్ డయాగ్నోస్టిక్ సెంటర్ వ్యవస్థాపకురాలు డాక్టర్ గౌరీ అగర్వాల్ తెలిపారు.  "ఐజిఐ ఢిల్లీ విమానాశ్రయానికి సగటున 25,000 మంది ప్రయాణికులు వస్తారు. అందులో 500 మందికి ర్యాండమ్ పరీక్షలు నిర్వహించాం. మొదటి రోజు సుమారు 110 పరీక్షలు నిర్వహించాము.’’ అని డాక్టర్ గౌరీ చెప్పారు. మరోవైపు భారతదేశంలో గత 24 గంటల్లో 201 కొత్త కోవిడ్-19 ఇన్ఫెక్షన్లు నమోదయ్యాయని ఆరోగ్య, కుటుంబ సంక్షేమ మంత్రిత్వ శాఖ వెల్లడించింది.