సీనియర్ నటి త్రిష.. ఇప్పటికీ తనదైన శైలిలో హీరోయిన్‌గా చెలామనీ అవుతోంది. ఎంతమంది కొత్త భామలున్నా.. హీరోయిన్‌గా త్రిషకున్న క్రేజ్ ఎంతమాత్రమూ తగ్గలేదు.
అయితే, తమిళంలో మాత్రమే ప్రస్తుతం త్రిష సినిమాలు చేస్తోంది. తెలుగు నుంచి కూడా ఆఫర్లు వస్తున్నా డేట్లు అడ్జస్ట్ చేయలేక ఆ ఆఫర్లు వదులుకుంటోంది. మెగాస్టార్ చిరంజీవితో ఈ మధ్య ఓ ఆఫర్ అలాగే వదులుకుంది త్రిష.
‘పొన్నియన్ సెల్వన్ 1’ సినిమా త్రిషకు ఇటీవల మంచి పేరు తీసుకొచ్చిందని చెప్పొచ్చు. మరిన్ని తమిళ ప్రాజెక్టులు త్రిష చేతిలో వున్నాయ్. కాగా, ఇటీవల త్రిషపై ఓ రూమర్ దూసుకొచ్చింది. త్వరలో పాలిటిక్స్‌లో త్రిష చక్రం తిప్పబోతోందనేది ఆ ప్రచారం తాలూకు సారాంశం. 
అయితే, అదంతా వుత్త ప్రచారమే అని త్రిష తాజాగా క్లారిటీ ఇచ్చేసింది. తన ఫోకస్ అంతా సినిమాల పైనే. ఇప్పట్లో అయితే రాజకీయాల్లోకి వచ్చే ఆసక్తి తనకు లేదని త్రిష తేల్చేసింది. దాంతో, త్రిష పొలిటికల్ వార్తలకు చెక్ పడినట్లయ్యింది.