కువైట్: న్యూ ఇయర్ సెలవులకు సన్నాహకంగా కువైట్ అంతర్జాతీయ విమానాశ్రయంలో విమానాల సంఖ్య పెరగనున్నది. ప్రయాణికుల రద్దీ నేపథ్యంలో సర్వీసుల సంఖ్యలను పెంచినట్లు కువైట్ పౌర విమానయాన మంత్రిత్వ శాఖ వెల్లడించింది. విమానయాన గణాంకాల ప్రకారం.. డిసెంబర్ 29 నుండి జనవరి 1 వరకు 1,284 విమాన సర్వీసుల ద్వారా సుమారు 139,000 మంది ప్రయాణించనున్నారు. దుబాయ్, కైరో, ఇస్తాంబుల్, జెద్దాలకు అత్యధికంగా బుకింగ్స్ జరిగాయని అధికార వర్గాలు తెలిపాయి.  642 విమాన సర్వీసుల ద్వారా 78,000 మంది ప్రయాణీకులు వెళతారని, అదే సమయంలో 642 విమాన సర్వీసులలో 61,000 మంది ప్రయాణీకులు కువైట్ వస్తారని విమానాశ్రయాల అడ్మినిస్ట్రేటివ్ డిపార్ట్‌మెంట్ తెలిపింది.