దుబాయ్: వివాహిత అనుమతి లేకుండా ఫోటోలు, వీడియోలు తీసిన 26 ఏళ్ల వ్యక్తికి క్రిమినల్ కోర్ట్ రెండు నెలల జైలు శిక్ష విధించింది. ఆ తర్వాత దేశం నుండి బహిష్కంచాలని ఆదేశించింది. నిందితుడు చెక్క గోడలోని రంద్రం ద్వారా వివాహిత పడుకున్న సమయంలో ఫోటోలు, వీడియోలు తీసినట్లు కోర్టు ఫైల్స్ చెబుతున్నాయి. ఈ విషయాన్ని గమనించిన వివాహిత భర్త  నిందితుడిని పట్టుకొని పోలీసులకు అప్పగించాడు. అనంతరం నిందితుడి ఫోన్‌ నుంచి దాదాపు 25 సెకన్ల నిడివి గల వీడియో రికార్డింగ్, పలు ఫోటోలను పోలీసులు గుర్తించారు. అతన్ని అరెస్టు చేసి, దుబాయ్‌లోని పబ్లిక్ ప్రాసిక్యూషన్‌కు రిఫర్ చేశారు. జంట గోప్యతపై దాడి చేశారనే ఆరోపణలపై అతన్ని కోర్టుకు పంపింది.