మొన్న పవన్ కళ్యాణ్ బర్త్‌డే సందర్భంగా ‘జల్సా’ మూవీని రీ రిలీజ్ చేసిన సంగతి తెలిసిందే. రీ రిలీజ్ అనే తేడా లేకుండా, ఈ సినిమా చూసేందుకు జనం పోటెత్తారు. రీ రిలీజ్‌లోనూ భారీగా వసూళ్లు పోటెత్తాయ్ ఈ సినిమాకి. 
ఇక, తాజాగా ‘ఖుషీ’ సినిమా రీ రిలీజ్ చేసేందుకు సన్నాహాలు జరుగుతున్నాయ్. డిశంబర్ 31న ‘ఖుషీ’ రిలీజ్ చేసేందుకు అన్ని ఏర్పాట్లు పూర్తయ్యాయ్. ‘ఖుషీ’ అప్పట్లో ఓ సంచలనం. తెలుగు సినిమా తీరు తెన్నుల్ని మార్చిన సినిమా ‘ఖుషీ’.
టాలీవుడ్ సినిమాల్లో ఓ డిఫరెంట్ మూవీగా ‘ఖుషీ’ మూవీని అభివర్ణిస్తుంటారు. అలాంటిది ఇన్నేళ్ల తర్వాత ‘ఖుషీ’ రీ రిలీజ్.. అది కూడా న్యూ ఇయర్ సందర్భంగా వస్తుందంటే, ఫ్యాన్స్‌లో ఖుషీ మామూలుగా లేదు. ఎప్పుడో ప్రీ బుకింగ్స్ అయిపోయాయ్. కావాలన్నా టిక్కెట్లు దొరకడం లేదట. అదీ పవర్ మేనియా. 
ఈ సినిమా ద్వారా వచ్చిన వసూళ్లను ఛారిటీ కోసం వినియోగిస్తున్న సంగతి తెలిసిందే.