బహ్రెయిన్: స్నేహితుల ముందు కారును ప్రదర్శించడం, నివాస పరిసరాల్లో న్యూసెన్స్ సృష్టించిన ఒక యువకుడిని పోలీసులు అరెస్ట్ చేశారు. 19 ఏళ్ల యువకుడు తన కారుతో రామ్లీ ప్రాంతంలో వాహనాన్ని బలంగా తిప్పడం, ఇతర విన్యాసాలు చేయడం ద్వారా హంగామా సృష్టించాడని పోలీసులు తెలిపారు. కారును కూడా సీజ్ చేసి డ్రైవర్‌పై చట్టపరమైన చర్యలు తీసుకున్నట్లు పోలీసులు వెల్లడించారు. ట్రాఫిక్ నిబంధనలను ఉల్లంఘిస్తే సహించబోమని ట్రాఫిక్ డిపార్ట్‌మెంట్ జనరల్ డైరెక్టరేట్ హెచ్చరించింది.