దుబాయ్: ఆల్కహాల్ పానీయాలపై 30 శాతం మునిసిపాలిటీ పన్నును అలాగే వ్యక్తిగత మద్యం లైసెన్స్ ఫీజును దుబాయ్ నిలిపివేసింది. జనవరి 1, 2023 నుండి దుబాయ్‌లో మద్య పానీయాలను చట్టబద్ధంగా కొనుగోలు చేయడానికి అర్హులైన వారికి వ్యక్తిగత మద్యం లైసెన్స్‌లు ఉచితంగా లభిస్తాయని పేర్కొంది. యూఏఈలో చట్టబద్ధంగా తాగడానికి వ్యక్తికి కనీసం 21 ఏళ్లు ఉండాలి. మద్యం అమ్మకాలపై 30 శాతం మునిసిపాలిటీ పన్నును తొలగిస్తున్నట్లు దుబాయ్ ప్రభుత్వం ప్రకటనను చేయడంపై మారిటైమ్, మర్కంటైల్ ఇంటర్నేషనల్ (MMI) & ఎమిరేట్స్ లీజర్ రిటైల్ గ్రూప్ సీఈఓ టైరోన్ రీడ్ హర్షం వ్యక్తం చేశారు. జనవరి 1 నుండి తమ 21 స్టోర్‌లలోని ఈ మేరకు ధరలను తగ్గిస్తామన్నారు.