స్టార్ హీరోయిన్ సమంత, ఈ మధ్య మయో సైటిస్ అనే వ్యాధి బారిన పడి చికిత్స నిమిత్తం విశ్రాంతి తీసుకుంటున్న సంగతి తెలిసిందే. ‘యశోద’ టైమ్‌లోనే సమంత ఈ అరుదైన వ్యాధి బారిన పడ్డట్లు ఆ సినిమా ప్రమోషన్లలో పలువురు ప్రస్థావించారు. ఎలాగోలా ఆ సినిమా పూర్తి చేసింది సమంత. 
ఆ తర్వాత కూడా సమంత చేతిలో చాలానే ప్రెస్టీజియస్ ప్రాజెక్లులున్నాయ్. అందులో కొన్ని హిందీ సినిమాలు కూడా వున్నాయ్. తెలుగు విషయాన్నికి వస్తే, ‘ఖుషీ’ ప్రెస్టీజియస్ మూవీ. ఈ మూవీ షూటింగ్‌కి సమంత అనారోగ్యం కారణంగా బ్రేక్ పడిపోయింది.త్వరలోనే షూటింగ్‌లో పాల్గొనబోతున్నట్లుగా సమంత మేనేజర్ ఇటీవల సందేశం అందించారు.
కాగా, సమంత నటించిన మరో క్రేజీ ప్రాజెక్ట్ ‘శాకుంతలం’. పౌరాణిక నేపథ్యం ఆధారంగా రూపొందిన ఈ సినిమాలో విజువల్స్‌కి అత్యంత ప్రాధాన్యత వుంది.ఎప్పుడో షూటింగ్ పూర్తి చేసుకున్న ఈ సినిమా గ్రాఫిక్స్ వర్క్స్‌లో బిజీగా వున్న సంగతి తెలిసిందే.
తాజాగా ‘శాకుంతలం’ సినిమా రిలీజ్ డేట్ అధికారికంగా లాక్ చేస్తూ ఓ కొత్త పోస్టర్ రిలీజ్ చేశారు. ఫిబ్రవరి 17న సినిమా రిలీజ్ కాబోతోంది. ఆ డేట్‌కి పెద్దగా చెప్పుకోదగ్గ సినిమాల్లేకపోవడం సమంత ‘శాకుంతలం’కి కలిసొచ్చే కాలమే అని చెప్పొచ్చు. గుణ శేఖర్ దర్శకత్వంలో వస్తున్న ఈ సినిమాలో అల్లు అర్జున్ ముద్దుల తనయ అర్హ, సమంత చిన్నప్పటి పాత్రలో కనిపిస్తుండడం విశేషం.