బాలయ్య హోస్ట్‌గా ఆహా ఓటీటీలో స్ర్టీమింగ్ అవుతున్న ‘అన్‌స్టాపబుల్ 2’ టాక్ షో ఈ మధ్య తెగ పాపులర్ అయిపోయింది. ఈ టాక్ షో గురించి ఇండియా మొత్తం చర్చించుకునేంతలా ఫేమస్ అయిపోయింది.

అందుకు కారణం, ఈ టాక్ షో ద్వారా పలువురు పాపులర్ సెలబ్రిటీల(సినీ, రాజకీయ ప్రముఖులు)ను స్టార్ హీరో బాలయ్య తనదైన శైలిలో ఇంటర్వ్యూ చేయడమే. ఇక, ఈ టాక్ షో రెండో సీజన్‌కి సంబంధించి మొదటి కంటెస్టెంట్ అయిన మాజీ ముఖ్యమంత్రి నారా చంద్రబాబు ఎపిసోడ్ ఓ రేంజ్‌లో సక్సెస్ అయితే, ఇటీవల ప్రబాస్‌తో చేసిన ఎపిసోడ్ నెక్స్‌ట్ లెవల్ సక్సెస్ అందుకుంది.
కాగా, త్వరలో పవర్ స్టార్ పవన్ కళ్యాణ్‌తో స్పెషల్ ఎపిసోడ్ షూట్ చేసినట్లు ఆల్రెడీ సోషల్ లీకుల ద్వారా రివీల్ అయిపోయింది. పవన్ ఎపిసోడ్‌ని సంక్రాంతి స్పెషల్‌గా రిలీజ్ చేస్తారని ఫ్యాన్స్ ఆసక్తిగా ఎదురు చూస్తున్నారు. ఆ యాంగిల్‌లోనే సంకేతాలు కూడా అందాయి. కానీ, తాజా సమాచారం ప్రకారం సంక్రాంతికి ‘వీర సింహారెడ్డి’ టీమ్‌తో షూట్ చేసిన ఎపిసోడ్ స్ర్టీమింగ్ చేయాలని ఆహా నిర్వాహకులు అనుకుంటున్నారట.
పవన్ ఎపిసోడ్‌ని జనవరి 26కి పోస్ట్‌పోన్ చేసినట్లుగా తెలుస్తోంది. పవన్ ఎపిసోడ్‌ని టెలికాస్ట్ చేసేందుకు రిపబ్లీక్ డే కన్నా మంచి సందర్భం ఇంకేముంటుంది అని కొందరు అనుకుంటుంటే, సంక్రాంతికి స్పెషల్ ట్రీట్‌గా పవన్ ఎపిసోడ్ వీక్షించొచ్చని కళ్లు కాయలు కాచేలా ఎదురు చూసిన ఫ్యాన్స్‌ని ఈ న్యూస్ డిజప్పాయింట్ చేసింది.