మస్కట్: ఒమన్ సుల్తానేట్ ఉత్తర భాగంలో అల్పపీడనం కారణంగా ముసందమ్, ఉత్తర అల్ బతినా గవర్నరేట్‌లలో వర్షాలు కురుస్తున్నాయని జనరల్ డైరెక్టరేట్ ఆఫ్ మెటీరియాలజీ తెలిపింది. ముసందమ్, నార్త్ అల్ బతినా గవర్నరేట్‌లలో వాతావరణం పాక్షికంగా మేఘావృతమై ఉన్నది. దీని కారణంగా దక్షిణ అల్ షర్కియా, అల్ వుస్తా, ధోఫర్ గవర్నరేట్‌లలో రాత్రి సమయంలో మోస్తరు వర్షాలు పడతాయి. తెల్లవారుజామున మేఘావృతమై పొగమంచు ఏర్పడుతుంది. సివిల్ ఏవియేషన్ అథారిటీ ప్రకారం.. వాయుగుండం ప్రభావంతో ఆదివారం వరకు ఇలాంటి వాతావరణమే ఉంటుంది. ముసందమ్ గవర్నరేట్ మొదలుకొని అల్ బురైమి, నార్త్ అల్ బతినా, అల్ దహిరా గవర్నరేట్‌లకు వర్షాలు విస్తరించే అవకాశం ఉంది. కొన్ని ప్రాంతాల్లో ఉరుములతో కూడిన వర్షాలు పడతాయని  జనరల్ డైరెక్టరేట్ ఆఫ్ మెటీరియాలజీ వెల్లడించింది.