ప్రతీ ఏడాదికీ పెద్ద సినిమాలతో పాటూ, ఓ చిన్న సినిమా కూడా గట్టి పోటీగా బరిలో దిగుతుంటుంది.లక్కు బాగుండి, ఏమాత్రం ఓ మోస్తరు పాజిటివ్ టాక్ వచ్చినా సరే, చిన్న సినిమా కూడా హిట్టు కొడుతుంటుంది.
ఎప్పటి నుంచో వస్తున్న సాంప్రదాయమిది. గతంలో శర్వానంద్ నటించిన ‘శతమానం భవతి’ సినిమా అలాగే మెగాస్టార్ చిరంజీవి, నందమూరి నటసింహం బాలయ్య సినిమాలతో పోటీకి దిగి విజయం సాధించింది.
ఇప్పుడు ఆ ఛాన్స్ యంగ్ హీరో సంతోష్ శోభన్‌ని వరించింది. ‘కళ్యాణం కమనీయం’ అనే సినిమాతో సంతోష్ శోభన్ ఈ ఏడాది సంక్రాంతికి ప్రేక్షకుల ముందుకు వస్తున్నాడు. ప్రియా భవానీ శంకర్ ఈ సినిమాతో టాలీవుడ్‌కి పరిచయమవుతోంది. అనిల్ కుమార్ డైరెక్ట్ చేసిన ఈ సినిమా ట్రైలర్ తాజాగా రిలీజైంది.
ట్రైలర్‌కి మంచి రెస్పాన్సే వస్తోంది. ఈ రెస్పాన్స్ రిలీజ్ తర్వాత కూడా వుంటే, ఈ సినిమా సంక్రాంతి రేస్‌లో గట్టెక్కేసినట్లే. చూడాలి మరి.