ఇంకేముంది.. రిలీజ్‌కి ముందు ‘ఇంతన్నాడంతన్నాడే.. గంగరాజు.. ముంత మామిడి పండన్నాడే.. గంగరాజు..’ అన్న చందంగా, ఎగిరెగిరి పడ్డాడు. ధియేటర్ల గోల ఎత్తి, నిర్మాతల మధ్య అనవరసరమైన రగడ కూడా లేవదీశాడు. 
తీరా చూస్తే రిలీజ్ వాయిదా వేసుకుని తుస్సుమనిపించాడు. ఇంతకీ ఎవరి గురించి మాట్లాడుకుంటున్నామో మీకీ పాటికి అర్ధమైపోయే వుంటుంది. అక్షరాలా ఆయనే నైజాం రాజుగా ఫీలయ్యే దిల్ రాజు.
ఆయన నిర్మాణంలో రూపొందిన ‘వారసుడు’ సినిమాని సంక్రాంతి బరిలో వుంచేందుకు కాదు, కాదు, మెగాస్టార్ చిరంజీవి, నందమూరి నటసింహం వంటి అగ్ర హీరోలతో పోటీకి పెట్టేందుకు తెగ వెంపర్లాడాడు. కానీ నిలవలేకపోయాడు.
తమిళ వెర్షన్ 11న రిలీజ్ అయ్యింది కానీ, అనుకున్న అదే టైమ్‌కి తెలుగులో రిలీజ్ చేయలేకపోయాడు. ఇప్పుడు ఓ పక్క ‘వీరసింహారెడ్డి’, ‘వాల్తేర్ వీరయ్య’ సినిమాలు రిలీజ్ అయిపోయాయ్. సక్సెస్ టాక్‌తో టాలీవుడ్ బాక్సాఫీస్ మాంచి హుషారు మీదుంది. 
ఈ జోష్‌లో ‘వారసుడు’ పూర్తిగా మట్టి కొట్టుకు పోయాడు. అస్సలు బజ్ లేకుండా పోయింది. సంక్రాంతి సందర్భంగా 14న ‘వారసుడు’ రిలీజ్ అవుతోంది.