‘వారసుడు’ సినిమాతో తెలుగు ప్రేక్షకుల్ని డైరెక్ట్‌గా మెస్మరైజ్ చేయాలనుకున్నాడు తమిళ హీరో విజయ్. నిజానికి విజయ్ కోరిక నెరవేరిందా ఆ విషయంలో అంటే.. కాలేదనే చెప్పొచ్చు.

దిల్ రాజు నిర్మించిన ‘వారసుడు’ రిలీజ్‌కి ముందు రాజుగారు చేసిన అతి ఓవరాక్షన్‌తో గట్టిగా దెబ్బ కొట్టింది. విజయ్ తన డబ్బింగ్ సినిమాలతోనే ఒకింత తెలుగు ప్రేక్షకుల్లో గుర్తింపు తెచ్చుకున్నాడు. స్ట్రైట్ తెలుగు సినిమా అని చెప్పుకున్న ‘వారసుడు’ మాత్రం తెలుగులో అతని కెరీర్‌కి అస్సలు యూజ్ కాలేదని చెప్పడం అతిశయోక్తి కాదేమో.

ఇక, ఇప్పుడు తన మార్కెట్‌ని పెంచుకునే దిశగా ప్యాన్ ఇండియా స్థాయి సినిమా ఒక్కటైనా చేయాలని అనుకుంటున్నాడట విజయ్. ఆ క్రమంలోనే పలువురు తమిళ స్టార్ దర్శకులకు కథల విషయంలో సూచనలిస్తున్నాడట. 

‘బాహుబలి’, ‘కేజీఎఫ్’ తరహాల్లో ఆ కథలు వుండాలని చెబుతున్నాడట. చెప్పడం సరే, ఆ రేంజ్‌ని ఇంతవరకూ ఎవ్వరూ టచ్ చేయలేకపోయారు. ఇటీవల ‘పొన్నియన్ సెల్వన్ 1’ మరో బాహుబలి అవుతుంనుకున్నారు కానీ, అంత సీను లేదని తేల్చేశారు ప్రేక్షకులు. చూడాలి మరి, విజయ్ ఏం చేస్తాడో.!