మస్కట్: హెరిటేజ్, టూరిజం మంత్రిత్వ శాఖ, ఉత్తర అషార్కియా గవర్నర్ కార్యాలయం సహకారంతో.. అనేక ప్రభుత్వ, ప్రైవేట్ ఏజెన్సీల భాగస్వామ్యంతో బిదియాలో "అల్-షార్కియా శాండ్స్‌లో ఎడారి అడ్వెంచర్ ఫెస్టివల్"ని నిర్వహిస్తోంది. ఇది జనవరి 29న ప్రారంభమై ఫిబ్రవరి 3 వరకు సాగనుంది. ఫెస్టివల్ సందర్భంగా సాంస్కృతిక ప్రదర్శనలతోపాటు  క్రీడలు, వినోద కార్యక్రమాలు నిర్వహిస్తారు. ఇది గవర్నరేట్‌లో పర్యాటక రంగం,  హోటల్ ఆక్యుపెన్సీ రేట్లను పెంచడం,  ఎడారి అడ్వెంచర్ టూరిజం ఔత్సాహికులను ఆకర్షించడం లక్ష్యంగా పెట్టుకుంది. ఈ ఫెస్టివల్‌లో బెలూన్లు, పారాగ్లైడింగ్, లేజర్ లైట్లు, ఒమానీ ఆటోమొబైల్ అసోసియేషన్, బిడియాహ్ ఎండ్యూరెన్స్ రేసింగ్ క్లబ్ నిర్వహించే ఎండ్యూరెన్స్ రేసింగ్ ఛాలెంజ్ పోటీలు, పిల్లలకు వినోద కార్యక్రమాలు ఉంటాయి.