మాస్ రాజా రవితేజ ఇటీవల బ్యాక్ టు బ్యాక్ సూపర్ హిట్స్‌తో మంచి ఫామ్‌లో వున్నాడు. ఈ టైమ్‌లో రవితేజ నటిస్తున్న తాజా చిత్రం ‘రావణాసుర’ పై అంచనాలు పెరిగాయ్.
సుధీర్ వర్మ దర్శకత్వంలో తెరకెక్కుతోన్న ఈ సినిమా నుంచి గ్లింప్స్ రిలీజ్ చేశారు రవితేజ బర్త్‌డే సందర్భంగా. వరుస హత్యల నేపథ్యంలో సస్పెన్స్ థ్రిల్లర్‌గా ఈ సినిమా రూపొందబోతోందని గ్లింప్స్ చూస్తుంటే అర్ధమవుతోంది.

అమ్మాయిలు, హత్యలు.. ఈ నేపథ్యంలో చాలా సినిమాలొచ్చాయ్. కానీ, రవితేజ ‘రావణాసుర’ ఆసక్తి కలిగిస్తోంది. వరుస పెట్టి అమ్మాయిల్ని చంపుతున్నదెవరు.? రవితేజకీ ఆ హత్యలకు ఏదైనా సంబంధం వుందా.? వంటి అంశాలు ‘రావణాసుర’ పై క్యూరియాసిటీ పెంచేస్తున్నాయ్.

ఆ క్యూరియాసిటీ తీరాలంటే సమ్మర్ వరకూ ఆగాల్సిందే.