మస్కట్: ఒమన్ గవర్నరేట్‌ల సుల్తానేట్‌లలో మస్కట్ నైట్స్ ఫెస్టివల్ కొన్ని కార్యకలాపాలు అనిశ్చిత వాతావరణ పరిస్థితుల కారణంగా తాత్కాలికంగా నిలిపివేయబడ్డాయి. వాతావరణ అస్థిరత, భద్రత దృష్ట్యా డైరెక్టరేట్ జనరల్ ఆఫ్ మెటియోరాలజీ జారీ చేసిన హెచ్చరికల ఆధారంగా ఈ నిర్ణయం తీసుకున్నట్లు నిర్వాహకులు తెలిపారు. నసీమ్ పార్క్, కురుమ్ నేచురల్ పార్క్, ఒమన్ కన్వెన్షన్, ఎగ్జిబిషన్ సెంటర్లలో మస్కట్ నైట్స్ కార్యకలాపాలను తాత్కాలికంగా నిలిపివేస్తున్నట్లు ప్రకటించింది. అయితే ఒమన్ ఆటోమొబైల్ అసోసియేషన్‌లోని ఇండోర్ కార్యకలాపాలు షెడ్యూల్ ప్రకారం జరుగుతాయని తెలిపింది. వాతారవరణ పరిస్థితులు సాధారణంగా మారితే అన్ని కార్యకలాపాలు తిరిగి ప్రారంభమవుతాయని మున్సిపాలిటీ తెలిపింది. ప్రతి ఒక్కరూ అప్రమత్తంగా ఉండాలని, సంబంధిత అధికారుల సూచనలను పాటించాలని అధికార యంత్రాంగం కోరింది. శనివారం వరకు ముసందమ్, నార్త్ అల్ బతినా, సౌత్ అల్ బతినా, అల్ బురైమి, అల్ దహిరా, అల్ దఖిలియా, గవర్నరేట్‌లు మస్కట్‌లో వడగళ్లతో కూడిన ఉరుములతో కూడిన వర్షాలు కురుస్తాయని వాతావరణ శాఖ అంచనా వేసింది.