పవర్ స్టార్ పవన్ కళ్యాణ్ - క్రిష్ జాగర్లమూడి కాంబినేషన్‌లో తెరకెక్కుతోన్న మూవీ ‘హరి హర వీరమల్లు’. ప్రస్తుతం షూటింగ్ శరవేగంగా జరుగుతున్న ఈ సినిమాకి సంబంధించి లేటెస్ట్‌గా ఓ న్యూస్ ప్రచారంలో వుంది.

‘హరి హర వీరమల్లు’ సినిమాని ఒకటి కాదు, రెండు పార్టులుగా తెరకెక్కించబోతున్నాడు క్రిష్. ప్రాచీన యుద్ధ విద్య నేపథ్యంలో తెరకెక్కుతోన్న ఈ సినిమాని భారీ బడ్జెట్‌తో ప్రతిష్టాత్మకంగా తెరకెక్కిస్తున్నాడు క్రిష్.

ఈ నేపథ్యంలోనే సినిమాని రెండు పార్టులగా రిలీజ్ చేయాలని అనుకుంటున్నారట. నిధి అగర్వాల్ ఈ సినిమాలో హీరోయిన్‌గా నటిస్తోంది. ఈ సినిమా రిలీజ్ డేట్ విషయంపై ఇంకా క్లారిటీ లేదు కానీ, దీంతో పాటూ, వెరీ లేటెస్ట్‌గా పవన్ కళ్యాణ్ మరో కొత్త ప్రాజెక్టునూ పట్టాలెక్కించేసిన సంగతి తెలిసిందే.

‘రన్ రాజా రన్’, ‘సాహో’ చిత్రాల ఫేమ్ సుజిత్ దర్శకత్వంలో ఈ కొత్త సినిమా రూపొందుతోంది. ‘ఓజీ’ అనే టైటిల్ ఈ సినిమాకి ప్రచారంలో వుంది.