కొత్త దర్శకులకు వరుసగా ఛాన్సులిస్తూ చెలరేగిపోతున్నాడు నేచురల్ స్టార్ నాని. శ్రీకాంత్ ఓదెల దర్శకత్వంలో ‘దసరా’ సినిమా చేస్తున్నాడు. కీర్తి సురేష్ హీరోయిన్‌గా నటిస్తోంది. ఈ సినిమాని మార్చి 3న ప్రేక్షకుల ముందుకు తీసుకురానున్నారు. 

కాగా, ఈ లోపే మరో కొత్త సినిమాని షురూ చేశాడు నాని. ఈ సారి శౌర్య అనే కొత్త దర్శకుడికి ఛాన్స్ ఇచ్చాడు. మెగాస్టార్ చిరంజీవి అతిథిగా మంగళవారం ఈ సినిమా పూజా కార్యక్రమాలతో లాంఛనంగా ప్రారంభమైంది. 

ఈ రోజు నుంచీ రెగ్యలర్ షూట్ స్టార్ట్ అయ్యింది. నాని కెరీర్‌లో 30వ సినిమాగా ఈ సినిమా తెరకెక్కుతోంది. తండ్రీ కూతుళ్ల సెంటిమెంట్ నేపథ్యంలో ఈ సినిమా తెరకెక్కనున్నట్లు గతంలో రిలీజ్ చేసిన గ్లింప్స్ ద్వారా హింట్ ఇచ్చారు. ఈ సినిమా కోసం డిఫరెంట్ లుక్స్‌లోకి మారిపోయాడు నాని. ‘సీతారామం’ ఫేమ్ మృణాల్ ఠాకూర్ ఈ సినిమాలో హీరోయిన్.