మస్కట్: బ్రిటీష్ ఎకనామిస్ట్ మ్యాగజైన్ ఇన్ఫర్మేషన్ యూనిట్ ప్రకారం.. వరల్డ్ డెమోక్రసీ ఇండెక్స్ 2022లో ఒమన్ సుల్తానేట్ గల్ఫ్‌లో మూడవ స్థానంలో నిలిచింది. కువైట్, ఖతార్ తర్వాత ఒమన్ సుల్తానేట్ ఉంది. అయితే యూఏఈ నాల్గవ స్థానంలో, బహ్రెయిన్ ఐదవ, సౌదీ అరేబియా ఆరవ స్థానంలో ఉన్నాయి. ఒమన్ సుల్తానేట్ ప్రపంచ ప్రజాస్వామ్య సూచికలో ఐదు స్థానాలు ఎగబాకింది. సుల్తానేట్ 2022 సూచికలో ప్రపంచవ్యాప్తంగా 125వ స్థానంలో ఉండగా.. 2021 సూచికలో 130వ స్థానంలో ఉండే. ప్రపంచవ్యాప్తంగా నార్వే ఈ సూచీలో అగ్రస్థానంలో ఉండగా న్యూజిలాండ్, ఐర్లాండ్ తర్వాతి స్థానాల్లో ఉన్నాయి. ర్యాంకింగ్‌లో ఆఫ్ఘనిస్తాన్ చివరి స్థానంలో ఉండగా.. మయన్మార్ తర్వాతి స్థానంలో ఉంది.