‘దేశముదురు’ బ్యూటీ హన్సిక తాజాగా వార్తల్లో హాట్ టాపిక్ అయ్యింది. డిశంబర్‌లో కోరుకున్న ప్రియుడు సోహైల్‌ని వివాహం చేసుకున్న హన్సిక, తన మ్యారేజ్ లైఫ్‌ని బాగానే ఎంజాయ్ చేస్తోంది. 
అయితే, సోహెల్‌కి అంతకు ముందే వివాహమైంది. మొదటి భార్యకు విడాకులిచ్చేసి, హన్సికతో లవ్‌లో పడి, ఆమెను వివాహం చేసుకున్నాడు. ఇదంతా తెలిసిన సంగతే. అయితే, తాజాగా సోహెల్ విడాకుల వెనక హన్సిక హస్తం వుందంటూ వార్త గుప్పుమంటోంది.  
మొదట్లో ఈ పుకారును లైట్ తీసుకున్న హన్సిక, ఇప్పుడు సీరియస్‌గా తీసుకుంది. సోషల్ మీడియా వేదికగా రెస్పాండ్ అయ్యింది. తన భర్త విడాకుల విషయం తనకు తెలిసిన సంగతే కానీ, దానితో తనకెలాంటి సంబంధం లేదనీ సంజాయిషీ ఇచ్చుకుంది. హన్సిక సంజాయిషీ ఇప్పుడు నెట్టింట వైరల్ అవుతోంది.