రామ్ చరణ్-శంకర్ కాంబినేషన్‌లో తెరకెక్కుతోన్న సినిమాకి సంబంధించి అనూహ్యంగా లీకులు వేధిస్తున్నాయ్.గతంలో రామ్ చరణ్ లుక్ ఒకటి సడెన్‌గా లీక్ అయిపోయింది. ఇప్పుడు ఇంకో లీక్.
ఈ సినిమాలో చరణ్ రెండు డిఫరెంట్ వేరియేషన్స్ వున్న పాత్రల్లో కనిపిస్తున్న సంగతి తెలిసిందే. అందులో ఒకటి ఐఏఎస్ అధికారా పాత్ర.. ఈ పాత్రను అఫీషియల్‌గా చిత్ర యూనిట్ రిలీజ్ చేసింది.
మరోటి రాజకీయ నాయకుడి పాత్ర. రెట్రో లుక్స్‌లో కనిపిస్తున్నాడు ఈ పాత్రలో చరణ్. ఇది అనుకోకుండానే లీక్ అయిపోయింది. తాజాగా ఇదే లుక్‌కి సంబంధించి ఇంకో లీక్. అభ్యుదయం పార్టీ నేతగా చరణ్ కనిపించబోతున్నాడనేదే ఈ లీకు తాలూకు సారాంశం. 
చార్మినార్ బ్యాక్ గ్రౌండ్‌లో ఓ పోస్టర్.. ఆ పోస్టర్‌పై రాజకీయ నాయకుడిగా ప్రజలకు అభివాదం చేస్తున్న చరణ్ ఫోటో వుంది. ఇప్పుడీ పోస్టర్ హాట్ టాపిక్ అయ్యింది. కైరా అద్వానీ, అంజలి ఈ సినిమాలో లీడ్ హీరోయిన్ల పాత్రలు పోషిస్తున్న సంగతి తెలిసిందే.