మిల్కీబ్యూటీ తమన్నా మంచి నటి అని తెలిసిందే. అలాగే మంచి డాన్సర్ కూడా. డాన్స్ కా బాప్ అయిన మెగాస్టార్‌తో కలిసి డాన్స్ చేయాలన్న తమన్నా కోరిక ఇంతవరకూ తీరలేదు.

‘సైరా నరసింహారెడ్డి’లో తమన్నా నటించింది కానీ, మెగాస్టార్‌తో కలిసి కెమిస్ర్టీ పండిస్తూ స్టెప్పులేసే ఛాన్స్ జస్ట్‌లో మిస్ చేసుకుంది. ఇక, ఇప్పుడు ‘భోళా శంకర్’ సినిమా కోసం మళ్లీ మెగాస్టార్ చిరంజీవితో జత కడుతోంది తమన్నా. 

సిస్టర్ సెంటిమెంట్‌తో ఈ సినిమా తెరకెక్కుతోన్న సంగతి తెలిసిందే. ఈ సినిమాలోనైనా తమన్నాకి, చిరంజీవితో కలిసి డాన్స్ చేసే ఛాన్స్ దక్కుతుందా.? అంటే ఖచ్చితంగా తీరుతుందంటున్నారు.

తమన్నా, చిరంజీవిపై ఓ మాస్ సాంగ్, క్లాస్ రొమాంటిక్ సాంగ్స్ వున్నాయనీ, ఈ రెండు పాటల్లోనూ చిరంజీవితో డాన్స్ ఇరగదీసేసిందనీ తెలుస్తోంది. అందుకే ఈ సినిమా కోసం తమన్నా చాలా ఎగ్జయిట్‌మెంట్‌తో ఎదురు చూస్తోందట. సమ్మర్ స్పెషల్‌గా ఈ సినిమా ప్రేక్షకుల ముందుకు రానుంది.