షార్జాలో అగ్ని ప్రమాదాలు తగ్గుముఖం పట్టాయి. ఈ ఏడాది తొలి క్వార్టర్‌లో 30 శాతం తగ్గుదలతో అగ్ని ప్రమాదాలు చోటుచేసుకున్నాయి గత ఏడాది ఇదే సమయంలో జరిగిన ప్రమాదాల సంఖ్యను పోల్చినప్పుడు సార్జా సివిల్‌ డిఫెన్స్‌ డిపార్ట్‌మెంట్‌ డైరెక్టర్‌ జనరల్‌ బ్రిగేడియర్‌ అబ్దుల్లా అల్‌ సువాది మాట్లాడుతూ, సివిల్‌ డిఫెన్స్‌ చేపడ్తున్న చర్యలు మెరుగైన ఫలితాలను ఇస్తున్నాయని అన్నారు. అగ్ని ప్రమాదాలు సంభవించినప్పుడు, వాటిని అదుపు చేయడమే కాకుండా, అగ్ని ప్రమాదాలు ఎలా సంభవిస్తాయి? వాటిని ఎలా తగ్గించాలి? అనే అంశాలపై అవగాహన కల్పించడం ద్వారా అగ్ని ప్రమాదాలను నివారించగలుగుతున్నట్లు ఆయన తెలిపారు. ఎమిరేట్‌లో ముఖ్యమైన ప్రాంతాల్లో ఇంకా అదనంగా ఫైర్‌ స్టేషన్లను ఏర్పాటు చేయనున్నట్లు వివరించారాయన. హై రైజ్‌ టవర్స్‌లో ఫ్లేమబుల్‌ మెటీరియల్స్‌ వినియోగాన్ని తగ్గించేలా యూఏఈ కొత్త పాలసీ తీసుకురానుందని అల్‌ సువాది చెప్పారు. కన్‌స్ట్రక్షన్‌ మరియు కన్సల్టెంట్‌ కంఎనీలతో జరిగిన సమావేశంలో సివిల్‌ డిఫెన్స్‌ తరఫున సువాది ఈ వ్యాఖ్యలు చేశారు.