‘వాల్తేర్ వీరయ్య’ కోసం మెగాస్టార్ చిరంజీవితో మాస్ రాజా రవితేజ స్ర్కీన్ షేర్ చేసుకున్న సంగతి తెలిసిందే. ఈ కాంబినేషనే కాదు, సినిమా కూడా సూపర్ డూపర్ హిట్ అయ్యింది. 

దాంతో, ఈ తరహా మల్టీ స్టారర్లు క్యూ కడుతున్నాయ్. ఆ క్రమంలోనే కింగ్ నాగార్జున ఓ బిగ్ స్కెచ్ వేశారు. అల్లరి నరేష్‌తో కలిసి ఓ మల్టీ స్టారర్‌కి ప్లాన్ చేశారు. అందుకోసం ఓ కొత్త దర్శకుడ్ని లైన్‌లో పెట్టారు.

ఆయనే బెజవాడ ప్రసన్న కుమార్. రచయితగా పేరున్న ఈయన తొలిసారి మెగాఫోన్ పట్టబోతున్నారు. త్వరలోనే ఈ సినిమా స్టార్ట్ చేసి, వీలైనంత తొందరగా పూర్తి చేయాలని అనుకుంటున్నారట నాగార్జున. బహుశా వచ్చే నెల నుంచే ఈ ప్రాజెక్ట్ పట్టాలెక్కనుందనీ తెలుస్తోంది. పీరియాడిక్ డ్రామాగా ఈ సినిమా రూపొందబోతోందట. అల్లరోడి క్యారెక్టర్ చాలా సర్‌ప్రైజింగ్‌గా వుండబోతోందట ఈ సినిమాలో.