దోహా: హమద్ అంతర్జాతీయ విమానాశ్రయం (హెచ్‌ఐఏ)లోని కస్టమ్స్ విభాగం ఖతార్‌లోకి లిరికా మాత్రలను అక్రమంగా తరలించే ప్రయత్నాన్ని భగ్నం చేశారు. అనుమానంతో ఓ ప్రయాణికుడి బ్యాగ్‌ను తనిఖీ చేయగా నిషేధిత పదార్థం దొరికిందని కస్టమ్స్ అధికారులు తెలిపారు.  మొత్తం 7,000 లిరికా మాత్రలను సీజ్ చేశామని, ప్రయాణికుడిపై చట్టపరమైన చర్యలు తీసుకున్నట్లు అధికారులు తెలిపారు. ఖతార్‌లోని అధికారులు ఇటీవల దేశంలోకి వివిధ రకాల మాదకద్రవ్యాలను అక్రమంగా తరలించే ప్రయత్నాన్ని అడ్డుకున్నారు. అబూ సమ్రా పోర్ట్‌లో కారు విడిభాగాల్లో దాచిన నిషిద్ధ వస్తువులను స్వాధీనం చేసుకున్నారు.