హై ఓల్టేజ్ ఎనర్జీకి కేరాఫ్ అడ్రస్ రామ్ పోతినేని.కానీ, ఈ మధ్య రామ్‌కి కాలం కలసి రావడం లేదు. ‘ఇస్మార్ట్ శంకర్’ సినిమా తర్వాత ఆ స్థాయి హిట్ కొట్టలేకపోయాడు రామ్. 
మాస్ డైరెక్టర్ బోయపాటి శీనుతో రామ్ తాను కోరుకున్నది సాధించే పనిలో బిజీగా వున్నాడు ప్రస్తుతం. బోయపాటి సినిమా కోసం మాస్ లుక్స్‌లోకి మారిపోయాడు రామ్ పోతినేని. 
కాగా, మరో మాస్ కంటెంట్‌కి రామ్ గ్రీన్ సిగ్నల్ ఇచ్చినట్లు తెలుస్తోంది.ఈ సారి మెగా డైరెక్టర్‌నే పట్టేశాడు రామ్. మెగాస్టార్ చిరంజీవితో ‘వాల్తేర్ వీరయ్య’ వంటి బ్లాక్ బస్టర్ హిట్ కొట్టిన బాబీ దర్శకత్వంలో ఓ సినిమా ఓకే చేశాడట రామ్. త్వరలోనే ఈ సినిమాకి సంబంధించిన పూర్తి డీటెయిల్స్ వెల్లడి కానున్నాయని తెలుస్తోంది.ఒకవేళ ఇదే జరిగితే, రామ్ ఈ సారి బ్యాక్ టు బ్యాక్ గట్టిగా కొట్టేస్తాడన్న మాటే.