కువైట్: కువైట్ జాతీయ సెలవుదినాలను జరుపుకునే సందర్భంగా ఫిబ్రవరి 28న (మంగళవారం) సాయంత్రం 5.30 గంటల నుండి ఈవెంట్ ముగిసే వరకు బాణాసంచా ప్రదర్శన కోసం గల్ఫ్ స్ట్రీట్ పాక్షికంగా మూసివేయనున్నట్లు అంతర్గత మంత్రిత్వ శాఖ పేర్కొంది. బాణాసంచా ప్రదర్శన రాత్రి 8:00 గంటలకు కువైట్ టవర్స్‌లో జరగనుంది. వివిధ పబ్లిక్ స్క్వేర్‌ల నుండి ఉచిత బస్సులు అందుబాటులో ఉన్నాయని జనరల్ ట్రాఫిక్ డిపార్ట్‌మెంట్ తెలిపింది. 

అలాగే హవలీ పార్క్, షార్క్ మార్కెట్, షార్క్ పోలీస్ స్టేషన్ ఎదురుగా వాహనాల కోసం పార్కింగ్ స్థలాలను కేటాయించినట్లు పేర్కొంది. హవలీ గవర్నరేట్ ఇన్‌స్టిట్యూట్‌ల పార్కింగ్ స్థలాలు, గల్ఫ్ స్ట్రీట్‌లోని యాచ్ క్లబ్, రెస్టారెంట్‌ల పార్కింగ్ స్థలాలను ఏర్పాటు చేశారు.లాయర్స్ అసోసియేషన్ వద్ద ప్రత్యేక అవసరాల కోసం పార్కింగ్ కేటాయించారు. భద్రతను కాపాడేందుకు ప్రతి ఒక్కరూ సహకరించాలని మంత్రిత్వ శాఖ పిలుపునిచ్చింది. భద్రత, ట్రాఫిక్, ఏదైనా మానవతా సహాయం కోసం 112 అత్యవసర కాల్‌లను ఉపయోగించాలని సూచించింది.