బాలకృష్ణ, అనిల్ రావిపూడి కాంబో మూవీలో చందమామ కాజల్ అగర్వాల్ హీరోయిన్‌గా ఛాన్స్ కొట్టేసిందన్న వార్తలు వినిపిస్తున్న సంగతి తెలిసిందే. ఈ విషయం పై అధికారికంగా ఇంకా ప్రకటన రాలేదు. కానీ, దాదాపు కాజల్ ఈ ప్రాజెక్ట్‌కి సెట్ అయిపోయినట్లే అని తెలుస్తోంది.
కాగా, మార్చి 4 నుంచి కాజల్ సెట్స్‌లో అడుగు పెట్టబోతోందనీ తాజా ఖబర్. బాలయ్య కన్నా ముందే కాజల్‌తో షూట్ చేయాల్సిన కొంత పార్ట్ కంప్లీట్ చేసేస్తారట. ఆ తర్వాతే బాలయ్య సెట్స్‌లో అడుగు పెడతారట. తొలిసారి బాలయ్యతో కాజల్ నటిస్తున్న చిత్రమిది.
గతంలోనూ బాలయ్య సరసన ఛాన్స్ వచ్చినా కాజల్ సింపుల్‌గా నో చెప్పేసింది. కానీ, ఇప్పుడు మారిన ఈక్వేషన్స్ దర్మిలా వచ్చిన ఛాన్స్ మిస్ చేసుకోకూడదనుకుంది కాబోలు.. వెంటనే ఓకే చెప్పేసిందట. అవును నిజమే, కాజల్‌కి ఇది గోల్డెన్ ఛాన్సే మరి. వదులుకుంటే అస్సలు బాగోదు.! మరోవైపు కమల్ హాసన్‌తో ‘ఇండియన్ 2’ సినిమాలోనూ కాజల్ నటిస్తున్న సంగతి తెలిసిందే.