రియాద్ : గృహ కార్మికుల నియామకానికి సంబంధించి సౌదీ మానవ వనరులు, సామాజిక అభివృద్ధి మంత్రిత్వ శాఖ (MHRSD) కీలక ఉత్తర్వులు జారీ చేసింది. రిక్రూట్‌మెంట్ ఖర్చులకు సంబంధించి ఎగువ సీలింగ్ ను విధించింది. బురుండి నుండి గృహ కార్మికులను నియమించుకునేందుకు SR7,500 గా నిర్ణయించింది. 2022 సెప్టెంబరులో  గృహ కార్మికులను నియమించుకోవడంలో బ్రోకరేజ్ సేవలను అందించే అన్ని లైసెన్స్ రిక్రూటర్లు తమ ఆదేశాలను పాటించాలని మంత్రిత్వ శాఖ తెలిపింది. వివిధ జాతీయతలకు సంబంధించి SR9,500 – ఉగాండా,  SR10,000 – థాయిలాండ్, SR10,870 – కెన్యా, SR13,000 – బంగ్లాదేశ్, SR17,288 – ఫిలిప్పీన్స్, SR15,000 – శ్రీలంకలకు ఎగువ సీలింగ్‌ను నిర్ణయించింది. ఈ ఛార్జీల నుండి విలువ ఆధారిత పన్ను(VAT)ను మినహాయించారు.