‘ధమాకా’ బ్యూటీ జోరు మామూలుగా లేదండోయ్. ఏకంగా పవన్ కళ్యాణ్ సినిమాలో ఛాన్స్ కొట్టేసింది. పవన్ కళ్యాణ్ - హరీష్ శంకర్ కాంబినేషన్‌లో ఓ సినిమా తెరకెక్కుతోన్న సంగతి తెలిసిందే. అదే ‘ఉస్తాద్ భగత్ సింగ్’.

ఈ సినిమాలో మొదట హీరోయిన్‌గా పూజాహెగ్దేని అనుకున్నారు. అయితే, ఆ ప్లేస్‌ని శ్రీలీల ఆక్యుపై చేసేసిందని తెలుస్తోంది. ఈ సినిమాలో హీరోయిన్ రోల్ బబ్లీగా వుంటుందట. అలాగే, పవన్ కళ్యాణ్‌తో హీరోయిన్ లవ్ ట్రాక్ కూడా చాలా ఎనర్జిటిక్‌గా వుండబోతోందట. 

దాంతో ఆ రోల్‌లో శ్రీలీల అయితే బావుంటుందని అనుకుంటున్నారట. దాదాపు శ్రీలీల పేరు కన్‌ఫామ్ అయిపోయిందనీ అంటున్నారు. ప్రస్తుతం శ్రీలీల చేతిలో చాలా క్రేజీ ప్రాజెక్టులున్నాయ్. వరుస ఆఫర్లతో శ్రీలీల డైరీ ఫుల్‌గా నిండిపోతోంది. చూస్తుంటే.. పాప త్వరలోనే స్టార్ హీరోయిన్ అయిపోయేలా కనిపిస్తోంది.