పసందైన మిక్స్‌డ్‌ ఫ్రూట్‌ రైతా
కావలిసినవి
పెరుగు - 2 కప్పులు
అరటి పండు ముక్కలు - 2 కప్పులు
యాపిల్‌ ముక్కలు - 2 కప్పులు
దానిమ్మ గింజలు - 2 కప్పులు
పైనాపిల్‌ ముక్కలు 2 కప్పులు
మామిడిపండు ముక్కలు 2 కప్పులు
కొత్తిమీర తురుము - కొద్దిగా
పంచదార - రుచికి సరిపడా
మిరియాల పొడి - అర టీ స్పూను
యాలకుల పొడి - అర టీ స్పూను
ఉప్పు - తగినంత
తయారు చేసే విధానం
పెరుగులో ఉప్పు, పంచదార, మిరియాల పొడి, యాలకుల పొడి కొద్దిగా పాలు లేదా నీళ్లు పోసి బాగా గిలక్కొట్టాలి. తరువాత పైన చెప్పిన పండ్ల ముక్కలన్నీ కలిపి, చివరగా కొత్తిమీర తురుము కూడా వేసి కాసేపు ఫ్రిజ్‌లో పెట్టి చల్లచల్లగా సర్వ్‌ చేసుకోవాలి.
వేసవిలో పెరుగు తినడం చాలా అవసరం. ఆరోగ్యానికి ఎంతో మంచిదని అందరికీ తెలిసిందే. అయితే కొంత మంది పెరుగును అలాగే తినమంటే అంతగా ఇష్ట పడరు. అందుకే పెరుగును ఈ రకంగా అందిస్తే రుచికి రుచి, ఆరోగ్యానికి ఆరోగ్యం. ఇష్టం లేని వాళ్లు కూడా లొట్టలేస్తూ తినడానికి అవకాశం ఉంటుంది.