వ్యాయామం చేయడంతో పోలిస్తే విటమిన్‌ ‘సి’ తీసుకోవడం వల్ల శరీరంలోని కొవ్వు పదార్ధాలు సులభంగా కరిగే అవకాశం 30 శాతం ఎక్కువని అమెరికన్‌ న్యూట్రిషన్‌కి చెందిన నిపుణులు చెబుతున్నారు. అయితే ఈ ‘సి’ విటమిన్‌ ఎక్కువ ఎక్కడ దొరుకుతుంది అంటే నిమ్మజాతికి చెందిన అన్ని రకాల పండ్లలోనూ ఇది పుష్కలంగా లభిస్తుంది. ఈ ‘సి’ విటమిన్‌ ఎక్కువగా లభించే పండ్ల ఆహారాన్ని ఎక్కువగా తీసుకోవడం వల్ల కేవలం కొలెస్ట్రాల్‌ శాతం తగ్గడమే కాకుండా, గుండెజబ్బులు, రక్త పోటు వంటి జబ్బులు వచ్చే అవకాశం చాలా తక్కువని కూడా అధ్యయనాలు చెబుతున్నాయి. అంతే కాదు ఈ పోషకం వల్ల రక్త కణాల పని తీరు కూడా మెరుగుపడి, శరీరానికి రక్త సరఫరా సరిగా జరగడం వల్ల అనేక రకాల ఆనారోగ్య సమస్యలకు ఇది మంచి ఔషధంగా పని చేస్తుంది. ఇంకా ఎండా కాలంలో ఎండలో ఎక్కువగా తిరిగే వారు ఎదుర్కొనే ప్రధాన సమస్య. చర్మం కమిలిపోయి, నల్లగా మారిపోయి, మచ్చలు కూడా పడుతుంటుంది. ఈ సమస్యను అధిగమించాలంటే శరీరానికి విటమిన్‌ ‘సి’ ఖచ్చితంగా అందేలా చూసుకోవాల్సిన అవసరం ఎంతైనా ఉంది.