గోల్డెన్ గ్లోబ్ కావచ్చు.. ఇంకోటి కావచ్చు.. అంతర్జాతీయ స్థాయిలో అవార్డులు కొల్లగొట్టేస్తున్నాడు రామ్ చరణ్. ‘ఆర్ఆర్ఆర్’ సినిమాలో ఎన్టీయార్, రామ్ చరణ్ ఇద్దరూ ఈక్వెల్ రోల్స్ చేసినప్పటికీ రామ్ చరణ్ పాత్రకు జాతీయ, అంతర్జాతీయ స్థాయిలో కీర్తి దక్కుతోంది. ఎన్టీయార్‌తో పోల్చితే ఈ కీర్తి కాస్త ఎక్కువే అని చెప్పక తప్పదు.
దాంతో, ఎన్టీయార్ అభిమానుల ముసుగులో కొందరు గొడవ చేస్తున్నారు. సహజంగా చేసే గొడవ కాదిది. పెద్ద రచ్చే చేస్తున్నారు. దీంతో, అంతర్జాతీయ స్థాయిలో ఎన్టీయార్‌కీ ఓ అవార్డు వుంది.. అంటూ ప్రకటించాల్సి వచ్చింది. ఎన్టీయార్‌తో పాటూ, అలియా భట్‌కీ అవార్డు ఇచ్చారట. 
అయితే, ఇవి ఫేక్ అవార్డులనీ అంటున్నారు. రామ్ చరణ్‌కిచ్చిన మెమెంటోలా అది లేదనీ, ఎన్టీయార్‌కి అంత అన్యాయం చేస్తారా.? అంటూ మళ్లీ కొత్తగా రచ్చ మొదలైంది. ‘ఆర్ఆర్ఆర్’కి ఆస్కారం రావడం ఏమో కానీ, ముచ్చటగా అన్నదమ్ముల్లా కనిపించే చరణ్, ఎన్టీయార్ మధ్య ఎలాగైనా చిచ్చు పెట్టేందుకు జరిగుతున్న కుట్ర మాత్రం ఆగడం లేదు.