మక్కా : రాబోయే రమదాన్ సీజన్‌లో ప్రత్యేక ప్రార్థనలకు గ్రాండ్ మస్జీదు సిద్ధమవుతోంది. ఈ మేరకు రెండు పవిత్ర మస్జీదుల వ్యవహారాల జనరల్ ప్రెసిడెన్సీ ఓ ప్రకటన విడుదల చేసింది. వచ్చే రమదాన్ సందర్భంగా దాదాపు 12,000 మంది అర్హత కలిగిన ఉద్యోగులను నియమించినట్లు పేర్కొంది. వీరితోపాటు ప్రెసిడెన్సీ గ్రాండ్ మస్జీదు, ప్రవక్త మస్జీదులో 10 కంటే ఎక్కువ స్వచ్ఛంద రంగాలలో పనిచేసేందుకు 8,000 కంటే ఎక్కువ వాలంటీర్లను నియమిస్తామని తెలిపింది. పవిత్ర రమదాన్ మాసంలో 200,000 కంటే ఎక్కువ వాలంటీర్ గంటలను సాధించాలని ప్రణాళిక రూపొందినట్లు..  తద్వారా రెండు పవిత్ర మస్జీదులలో స్వచ్ఛంద సేవను ప్రపంచంలోని అత్యంత వ్యవస్థీకృత స్వచ్ఛంద సేవల్లో ఒకటిగా మారుతుందన్నారు. వృద్ధులకు, వికలాంగులకు, వాహనాల సేవలను మెరుగుపరచడానికి 10,000 వాహనాలను సిద్ధం చేస్తున్నామని ప్రెసిడెన్సీ పేర్కొంది.