బహ్రెయిన్: జుఫైర్ ప్రాంతంలో మంటలు చెలరేగిన ఇంట్లో చిక్కుకున్న మహిళను అగ్నిమాపక సిబ్బంది సురక్షితంగా రక్షించారు. అక్కడికక్కడే అత్యవసర వైద్యం అందించారు. విద్యుత్ షార్ట్ సర్క్యూట్ కారణంగా మంటలు చెలరేగాయని అధికారులు తెలిపారు.అయితే ఘటనపై విచారణ కొనసాగుతోందన్నారు. సమచారం అందగానే సివిల్‌ డిఫెన్స్‌ సిబ్బంది వెంటనే ఘటనా స్థలానికి చేరుకున్నారు. అయితే, మంటలు చెలరేగిన సమయంలో ఇంట్లో మహిళ ఒక్కరే ఉన్నారా అనేది ఇంకా స్పష్టంగా తెలియరాలేదు.దగ్ధమైన ఇంటి నుంచి దట్టమైన పొగలు కమ్ముకోవడం చూసి భయాందోళనకు గురవుతున్నట్లు స్థానికులు తెలిపారు.