ఈ మధ్య దిల్ రాజుకు ఏది పట్టినా మట్టయిపోతోంది.పెద్ద సినిమా, చిన్న సినిమా అనే తేడా లేదు.. నష్టాల బాటలో నడుస్తోంది దిల్ రాజు యాపారం. 
ఇటీవల ‘వారసుడు’ రూపంలో చాలా చాలా దెబ్బయిపోయాడు దిల్ రాజు. ఈ సినిమాతో చాలా అంచనాలు పెట్టుకున్నాడు. కానీ ఫలించలేదు. అయితే, అనుకోకుండా దిల్ రాజు గట్టెక్కేశాడు ఓ చిన్న సినిమాతో.
అదే ‘బలగం’. కమెడియన్ వేణు దర్శకత్వంలో రూపొందిన ఈ సినిమా ఇటీవలే ప్రేక్షకుల ముందుకు వచ్చింది. మంచి టాక్ తెచ్చుకుంది. ఫస్ట్ వీక్ ఓకే అనిపించుకున్నా సెకండ్ వీక్ కూడా బాక్సాఫీస్ వద్ద నిలబడగలిగింది. 
దాంతో, ఈ సినిమాపై దిల్ రాజు పెట్టిన పెట్టుబడి వచ్చేయగా.. లాభాల బాట పట్టింది. దాంతో రాజుగారు కాస్త హ్యాపీ ఫీలవుతున్నారు.
ప్రియదర్శి హీరోగా వచ్చిన ఈ సినిమా ప్రియదర్శికి కూడా మంచి పేరు తీసుకొచ్చింది హీరోగా. తొలి సినిమా ‘మల్లేశం’తో ఆల్రెడీ హీరోగా తన స్టామినా చాటిన ప్రియదర్శికి ‘బలగం’ రూపంలో ఆ సక్సెస్ కంటిన్యూ అయ్యిందనే చెప్పొచ్చు.