రియాద్: 2023 క్లబ్ వరల్డ్ కప్‌కు సౌదీ అరేబియా ఆతిథ్యం ఇవ్వనుంది. దీనికి సంబంధించిన సన్నాహాలను సమీక్షించేందుకు ఫెడరేషన్ ఇంటర్నేషనల్ డి ఫుట్‌బాల్ అసోసియేషన్ (FIFA) ప్రతినిధి బృందం సౌదీ అరేబియాను సందర్శించింది. వారికి సౌదీ అరేబియా ఫుట్‌బాల్ ఫెడరేషన్ సెక్రటరీ జనరల్ ఇబ్రహీం అల్-ఖాస్సెమ్ స్వాగతించారు. 2023 డిసెంబర్ 12 నుండి 22 వరకు జరిగే టోర్నమెంట్‌కు ఆతిథ్యం ఇచ్చే స్టేడియాలలోని సౌకర్యాలను ఫిఫా ప్రతినిధి బృందం సభ్యులు తనిఖీలు చేశారు. కింగ్ ఫహద్ ఇంటర్నేషనల్ స్టేడియం, ప్రిన్స్ ఫైసల్ బిన్ ఫహద్ స్టేడియం, కింగ్ సౌద్ యూనివర్సిటీ స్టేడియాలలో పర్యటించి ఏర్పాట్లపై స్థానిక అధికారులను అడిగి తెలుసుకున్నారు. అలాగే ఫిఫా ప్రతినిధి బృందం రియాద్‌లోని శిక్షణా కేంద్రాలను కూడా సందర్శించింది.