యూఏఈ: అంతర్జాతీయ హ్యాపీనెస్ దినోత్సవం సందర్భంగా రస్ అల్ ఖైమాలో కొన్ని సాధారణ ఉల్లంఘనల జరిమానాలపై 50 శాతం తగ్గింపును ప్రకటించారు. రస్ అల్ ఖైమా పబ్లిక్ సర్వీస్ డిపార్ట్‌మెంట్ (RAKPSD) ఇంటర్నేషనల్ హ్యాపీనెస్ డేని పురస్కరించుకుని ఈ తగ్గింపును అందిస్తున్నట్లు ప్రకటించింది. ఇది మార్చి 20 నుండి 22 వరకు మూడు రోజుల పాటు అందుబాటులో ఉంటుందని తెలిపింది. పర్యావరణ ఉల్లంఘనలతో సహా RAKPSD పరిధిలోకి వచ్చే నేరాలకు ఈ పథకం వర్తిస్తుందని స్పష్టం చేసింది. బహిరంగ ప్రదేశాల్లో చెత్త వేయడం, నిషిద్ధ ప్రదేశాలలో ధూమపానం చేయడం, అలాగే ట్రక్కుల కోసం టోల్ గేట్ ఉల్లంఘనలు మొదలైనవి వాటికి తగ్గింపు ఆఫర్ వర్తిస్తుంది. UN ద్వారా స్థాపించబడిన అంతర్జాతీయ హ్యాపీనెస్ డేని మార్చి 20న ప్రపంచవ్యాప్తంగా జరుపుకుంటారు.